Munaasabaddan oo ay ka qeyb-galeen wasiirka cadaaladda C/laahi Abyan Nuur iyo madaxda sare ee maxkamadda sare oo uu ugu horeeyo  gudoomiyaha maxkamadda sare Ceydiid C/laahi Ilkaxanaf ayaa waxaa ay ka jeediyeen khudbado isugu jira codsi iyo dhiirigelin shaqaalaha tababarka loo soo xiray.

Waxaa ay ka codsadeen dowladaha gacanta ku haya burcad-badeeda soomaalida in ay usoo gacan-geliyaan dowladda Soomaaliya si loogu maxkamadeeda dalkooda.

Gud. maxkamadda sare Abuukaate Ceydiid Ilkaxanaf ayaa sheegay in la bilaabay in gudaha dalka loo soo wareejiyo kooxaha burcad-badeeda, iyadoona dhawaan maamulada Somaliland iyo Puntland la geeyay qaar ka mid ah.

Tababarkan ayaa  mudo hal sano ah socday, waxaana hadafkiisu ahaa sidii kor loogu qaadil ahaa aqoonta garsoorka dalka.

Hay `adda UNDP ee Qaramada Midoobay ayaa looga mahadceliyay gacantii ay ka geysatay tababarkan.