|
Dalka Kenya ayaa xalay ilaa maanta waxaa ay dad badani hadal hayeen in
naftu halis u gali karto haddi Numbero aan la aqoon ay ku soo wacaan
qofkasta oo sita telifoonka gacanta lagu qaato.
Arrintani darted ayaa wasiirka warwaafinta dalkani Kenya Samuel Poghisio ku
tilmaamay wax aad looga xumaado in argagax lagu abuuro bulshada dalkani,
kaddib markii ay ilaa xalay iyo maanta isla dhexqaadayeen dadka reer Kenya
dhambaalo xanbaarsan war naxdin leh, kaas oo ahaa in qofkii lagu soo waco
private number uu dhiman doono haddii uu qabto.
Wasiirka oo shir jaraa’id ku qabtay magaalada Nairobi ayaa sheegay in la
ciqaabi doono qofkii lagu helo dambigaasi uuna mutaysan doono xarig gaaraya
ilaa iyo hal sono iyo konton kun oo ganaax ah.
Waxaa ka mid ahaa dhambaaldii ay dadku isugu dirayeen telifoonka gacnta ee
Mopilka.
“Fadlan ha qaban Numberada noocan ah 7888308001, 9316048121, 9876266211,
9888854137, 9876715587., hadii ay ku soo wacaan, kuwaas oo ku soo galaya iga
oo casaan ah, waxaa la hubaa in ay maskaxdaada waxyeelayn karaan haddii aad
qabto ilaa hadda waxaa u dhintay dad gaaraya 27 qof ayaa u dhintay qabshada
numbradani”, sidaasi waxaa dhambaalo eheladooda ugu dirayay dadka reer
Kenya maanta ilaa xalay oo ay Taariikhdu ahayd 1/9/2010.
Waxaa sidoo kale arrintani cabsi galinta ah wax kama jiraan ku
tilmaamay madaxda
shirkadda isgaarsiinta SAFARICOM iyo booliska dalka, kuwaas oo sheegay in ay
yihiin warsuuq dadka lagu niyad xumaynayo.
Dad badan oo Kenyan ah ayaa sheegaya in ay arrintani ka argagaxeen sida uu
qoray bogga ku hadla afka dowladda dalka Kenya ee http://www.kbc.co.ke ,
waxa ayna sheegeen in warkaasi uu naxdin xoogleh ku beeray ayna ku war
galiyeen qoysaskooda arrintaasi.
Arrintani ayaa noqonaysa midi ugu horaysay ee la maqlo in qof uu dili karo
Telifoon dalkani Kenya, balse beenowday, kaddib markii dowladdu arrinkaasi
shir jaraa’id uu ka qabtay wasiirkeeda isgaarsiinta oo dadka u sheegay in ay
isdajiyaan arrintaasina ay been tahay, walow ilaa xalay ay aad u yaraatay
iswicida iyo qabashada telifoonada dalkani Kenya Duhiisa.
W/Q Journalist Mohamed Ali Abdi (Royter)
maxamedroyter@hotmail.com
Nairobi, Kenya
Calanka.com: Isha wararka xaqiiqda
|
