Kooxda Waayaha cusub oo uga waramay webka Calanka Album dhawaan ay soo saari doonaan

Nairobi, Kenya (Calanka.com) - 06-Sebtember-2010

Gudoomiyaha kooxda Waayaha Cusub Shiine Akhayaar oo si gaar ugu waramay Shabakada Calanka ayaa tilmaamay in heesahani cusub ay ku muujinayaan dhibka al-shabaab sida hadalka uu u dhigay isla markaana yahay baraarujin dhalanyarada looga digayo howlaha al-shabaab nabadana lagu dhiira gilinayo.

Mr. Shiine Akhayar waxa uu xusay in album-kan cusub ay ku soo bandhigi doonaan munaasabad ay ku qabanayan Nayrobi si bulshada uga faa'ideysato.

Waxa uu intaa raaciyay in qaab bilaash oo lacag la'aan ah ay dadka ugu qeybinayaan heesahaan cusub oo xanbaarsan xiiso gaar.

Calanka oo Waayaha Cusub ku booqday xaruntooda Nayrobi ayaa waxa muuqanayay in waqti badan iyo dadaal la giliyay albumkan cusub oo guud ahaan dhibatooyinka dalka ka taagan ka hadlaya .

Ma ahan markii ugu horeysay oo Waayaha Cusub soo saaraan heeso maqal iyo muuqaal ah oo wacyi gilin iyo dhibatoyinka al-shabaab looga hadlayo ay soo saaraan .



Waxaa ay horay u soo saareen dhowr heeso oo ka hadlaya falalka al-shabaab iyadoo mid ka mid ah heesahaan bilo ka hor laga sii daayay Tv-yo ku yaal caalamka .

Dadka ku dhaqan Nayrobi ayaa haatan diyaar garow ugu jira helitaanka album-kaan cusub oo si lacag la'aan ah ay ku helayaan .

Kooxda waayaha cusub oo si gaar ah dadka kala socda internet-ka ugu sahlaya la socoshada heesahooda ayaa website cusub hawada u so giliyay ka dib markii webkoodii hore ciladi ay gashay .

Waxaana haatan laga socon karaa www.waayahacusub.org.

Ugu dambeyntii kooxda heesaha ee Waayaha Cusub ayaa uga mahad celiyay Shabakada Calanka sida hufan ee wada shaqeynta iyo dhiira gilinta ay u siiyaan .

Cisman Fantastic
ossmanfantastic@hotmail.com
Calanka Editor

Calanka.com: Isha wararka xaqiiqda