News in English Two Men Arrested Before Boarding Plane US Supreme Court Rules Former Somalia PM Top UN envoy calls for national unity on Somalia U.S. destroyer shadows ship under pirate control Somalia seeks answers from Russia on pirates Somalia pirate attacks grow Conference focusing on restoring order in Somalia

Shir-weyne loogu magac daray "Somali Hope Confrence" oo Oslo ka dhacay

Oslo, Norway (Calanka.com) - 12 - Sebtember -2011

Shir-weyne aad loo soo agaasimay islamarkaana loogu magac daray "SOMALI HOPE CONFRENCE" ayaa galabnimadii Sabtida lagu qabtay caasimadda dalka Norway ee Oslo.

Dadweyne kor u dhaafaya ilaa 1500 ayaa ka soo qeyb-galay shirkan oo ay soo qaban qaabiyeen ururka DARYEEL ee ka dhisan dalka Norway islamarkaana fadhigiisu yahay caasimadda Oslo.

DAAWO FILMKA:

Waxaa ka soo qeyb galay shirkan ra`iisal wasaarihii hore ee Soomaaliya mudane Maxamed C/laahi Farmaajo, farshaxaniista caanka ah ee soomaaliyeed mudane Amiin Caamir, aqoonyahanno, waxgarad, odayaal iyo haween ka kala yimid gudaha dalka Norway iyo dibadiisaba.

Fanaaniinta Soomaaliyeed kuwooda magaca leh ayaanan iyana meesha ka maqneyn, waxaana goob-joog ahaa fanaanka caanka ah Bashiir Cali Xuseen, fanaanadda Saado Cali, kooxda Qeylodhaan iyo waliba abwaano uu ka mid yahay Cabdi Shire Jaama "Ciyaar jecel" iyo dumar buraanburo.

Shirkan ayaa looga hadlay arrimo khuseeya xalka iyo muqstaqbalka Soomaaliya, iyadoona uu khudbad dheer ka jeediyay ra`iisal wasaarihii hore ee Soomaaliya Maxamed C/laahi Farmaajo taas oo ku aadan xogtiisa Soomaaliya iyo waxqabadka xukuumaddiisii lixda bilood jirtay.

Ugu dambeyn bulshaweynta soomaaliyeed ayaa shirkan si toos ah ugala socotay taleefishinka UNIVERSAL, iyadoona ay sidoo kale goob joog ahaayeen warbaahinta shisheeye sida Al-Jazeera.

Waa markii ugu horesay oo shir heerkan oo kale ah soomaali ku qabsato caasimadda dalka Norway ee Oslo.

Sawir/Film qaade
DEEQ C/LAAHI
deeqow25@hotmail.com

Wariye
C/fitaax "Lajeclow"

Calanka.com: Isha wararka xaqiiqda

©2006-2011 Calanka.com waa qeyb ka mid ah CALANKA MEDIA.
Kor ku laabo :::: Nagu xayeysiiso ganacsigaaga :::: Nala soo xiriir :::: Annaga
Waa mamnuuc in la isticmaalo ama la qaato macluumaadka ku jira boggan, amar la`aan.